หน้างอ หน้างอแท้น้อเจ้า
กลับบ้านเฮาปีนี้บ่สดใส
บ่าวกรุงเทพฯ ที่เคยมาด้วยปีกลาย
เขาไปไสปีนี้บ่เห็นมา
<(F)>เซาแน เซาแนอย่าถามย้ำ
ผู้ติดตามบ่มีแล้วพี่จ๋า
น้องอยากลืมอดีตช้ำจึงกลับนา
อาศัยรถผ้าป่ามาพักใจ
<(M)>เป็นไปได้อีหลีบ้อที่น้องว่า
เห็นตำตาปีผ่านมา
น้องปลื้มเขานั่นคักหลาย
ป๋าบักอ้ายไอ้หนุ่มชุมชน
ให้เป็นคนผิดหวังภาพเก่ายังบ่ลืมสิ้น
<(F)>น้องคืนถิ่นแผ่นดินบ้านเฮา
เพื่อมาลืมเหงา
อ้ายอย่าเว้าเรื่องเก่าได้บ่
<(M)>โอ๊ะ อ้ายขออภัย
บ่ได้ตั้งใจซ้ำเติมคนท้อ
<(F)>หอบแผลใจจากกทม.
นำฮักสึกหรอมารอซ่อมแซม
<(M)>น้ำตาเปื้อนแก้ม
แนมยามใด๋กะหม่น
มือคนจนบ่มีกระดาษทิชชู
มาไว้ถ่าเทคแคร์
เห็นน้องแพ้มีตั้งแต่หลูโตน
ผ้าขาวม้าคนจนรอซับน้ำตาเจ้า
<(F)>บ้านเฮา บ้านเฮามีฮักให้
ขอบคุณอ้ายหลายหลาย ที่ห่วงหา
บ่รังเกียจผู้หญิงเปื้อนน้ำตา
อยู่เป็นยาซ่อมฮักรักษาใจ
<(M)>พักกายพักใจให้หายเศร้า
ลบรอยเขาให้สนิทอย่าคิดหลาย
ถ้าบ่มองข้ามคนหล่อหลบใน
สิรับอ้ายเป็นแฟนก็ยินดี
<(F)>ขอใจนี่ให้หายดีสาก่อน
ขอใจนี่ให้หายดีสาก่อน
หัวใจเซาพักฮ้อนยังบ่พร้อมสิฮักไผ
<(M)>หวังว่าอ้ายคงสิอยู่ในสายตา
หากว่าถึงเวลา
ส่อยพิจารณาบ้าง เออ...
<(F)>บ้านเฮา บ้านเฮามีฮักให้
ขอบคุณอ้ายหลายหลาย ที่ห่วงหา
บ่รังเกียจผู้หญิงเปื้อนน้ำตา
อยู่เป็นยาซ่อมฮักรักษาใจ
<(M)>พักกายพักใจให้หายเศร้า
ลบรอยเขาให้สนิทอย่าคิดหลาย
ถ้าบ่มองข้ามคนหล่อหลบใน
สิรับอ้ายเป็นแฟนก็ยินดี
<(F)>ขอใจนี่ให้หายดีสาก่อน
ขอใจนี่ให้หายดีสาก่อน
หัวใจเซาพักฮ้อนยังบ่พร้อมสิฮักไผ
<(M)>หวังว่าอ้ายคงสิอยู่ในสายตา
หากว่าถึงเวลา
ส่อยพิจารณาบ้าง เออ...